Magaalada Boorama ee xarunta gobolka Awdal waayadii u danbaysay waxa ka socday mashruuc lagu nashqadaynayo magaalada taasi oo qayb ka ah sidii bilicda caasimada kor loogu qaadi lahaa
Mashruucan ayaa soo maray wajiyo kala duwan kaasi oo laga soo bilaabay xog ururin laga sameeyay magaalada dhexdaada taasi oo shaqaale iyo injineero ka socda wasaarada hawlaha guud ay wadeen
Kadib markii xog ururinta la dhameeyay ayaa hadana waxa xigay in bulshada lala tashado loona sheego qorshahan magaalataynta iyo ujeedka laga leeyahay
Marxalado kadib waxa la guda galay fulinta hawsha taasi oo laga bilaabay bariga magaalada ilaa koonayaasha caasimada labaad ee somaliland
Xaqiiqdii waxa la sameeyay hawl culus taasi oo galaafatay jagooyin, beero ay shacabku lahaayeen kuwaasi oo laga dhex bineeyay wadooyin waawaayn maadaama magaaladu ay samanayso horumar iyo kobac bulsho , hawsha ugu culusi waxa ay ka dhacday galbeedka magaalada taasi oo ah halka ay sida xoogan ugu fidayso boorama
Mashruucan Master planka ayaa lagu dabaqay mustaqbalka Boorama iyo sida xawliga ah ee ay isku balaadhinayso , wayna ka fursan wayday in la helo magaalo cusub oo leh wadooyin waayayn , qaab dhismeed qurxoon oo ka duwanaan doonta magaaladeena caadiga ah .
Hada waxa ay hawshu maraysaa heer gabo gabo ah taasi oo guryo badan lagu dumiyay kuwasi oo ay saameeyeen mashruuca master Boorama
si kastaba ha ahaatee Booramada cusubi waxay yeelan doontaa nashqadayn diyaarsan oo dadku ku farxi doonaan mustaqbalka dhaw
0 Comments